Syndandi með höfrungum

Ég fór í tveggja vikna frí í skólanum,      gaman, gaman.  Við fórum til Ponto do Ouro sem þýðir gullna hliðið. Við fórum með Jasperi vini mínum.Við fórum fyrst með ferju sem tók 12 bíla. Vegurinn var hræðilegur. Við þurftum að keyra í 3 klukkutíma. Við gátum séð fíla á leiðinni en við sáum engan. Svo komum við. Við fórum á ströndina. Ég fór með pabba útí. Svo ætlaði ég að synda til baka en ég var næstum drukknaður. Þá kom mamma og ég greip í hana. Þá kom risastór alda og tók af mér sundgleraugun. Og ég fann þau ekki aftur. Kannski er einhver höfrungur að synda með þau núna eða hákarl.

Við þurftum að vakna klukkan sex.   Við fórum að synda með höfrungum.  Við þurftum að ýta bátnum útí sjó. Fyrst hoppuðu krakkarnir uppí. Svo stelpurnar. Það var skrítið . Þegar báturinn var kominn í sjóinn hoppuðu karlarnir upp í. Svo fórum við af stað.

Svo fóru nokkrir útí og svo fór ég. Og það var karl sem hjálpaði mér útí. Hann var eins og sjóræningi. Við sáum spotted dolphins og bottle nose dolphins. Það var einn spotted dolphin bara beint fyrir neðan mig. Svo höfðum við svona öndunartæki. Svo þegar við vorum búin að kafa 5 sinnum þá fórum við heim að fá okkur góðan morgunmat sem var beikon, egg, baked beans og pulsur sem voru ógeðslegar í laginu.

Svo fórum við á ströndina aftur. Pabbi pantaði bretti fyrir okkur Jasper og mig. Við fundum ostruskeljar og aðrar skeljar. Ostruskelin sem ég fann var gull lituð. Svo fórum við heim. Það var óóóóóóóóóóótrúlega skemmtilegt þarna.

 

 

Þetta er sjóræninginn sem hjálpaði mér útí og dró mig upp

Ég er lengst til hægri, mamma við hliðina á mér

Ég og mamma, ströndin á Ponto do Ouro í baksýn

Þarna er ég kominn í bátinn aftur, svo fór ég aftur út í

Þarna er ég og tveir höfrungar, þessi fyrir aftan er að anda

Þessi synti undir mig og sneri sér svo við, sýndi mér mallann á sér

Þetta er Stef, pabbi Jaspers vinar mína. Sjáiði alla höfrungana í sjónum!

Þarna er ferðin búin, pabbi, Stan, Stef, Jasper, ég og mamma

Ásdís systir, ég og Jasper á ferjunni á leiðinni heim.